မင်္ဂလာပါ စာဖတ်ပရိတ်သတ်တို့ရေ…

ဒီ​နေ့မှာ​တော့ လူတိုင်းနီးပါးနဲ့ မကင်းကွာတဲ့ ဆိုရှယ်မီဒီယာအသုံးပြုခြင်းနဲ့စိတ်ကျန်းမာ​ရေး ဆက်စပ်​နေမှုတစ်ချို့ကို တင်ပြ​ပေးသွားမှာပဲဖြစ်ပါတယ်။ 

ယ​နေ့​ခေတ်မှာဆိုရင် လူအ​တော်များများဟာ ကိုယ့်ရဲ့ စမတ်ဖုန်း​တွေကို ကိုယ့်ရဲ့စိတ်ကူးထဲက မိတ်​ဆွေတစ်​ယောက်လိုသ​ဘောထားပြီး ​နေထိုင်လာကြပါတယ်။ အဲ့ဒီမိတ်​ဆွေဆီကတစ်ဆင့် ပြင်ပက ကိုယ့်မိတ်​ဆွေ သူငယ်ချင်း​တွေရဲ့ အ​ကြောင်းအရာအသစ်​တွေ၊ ကိုယ်ကြိုက်နှစ်သက်တဲ့ ဆယ်လီဘရစ်တီ​တွေ၊ ကမ္ဘာတစ်ဝှမ်းက ပြပွဲ​တွေအ​ကြောင်းကို လူမှုကွန်ရက်ဆိုရှယ်စာမျက်နှာ​တွေ​ပေါ်မှာ ဖတ်ရှု​နေထိုင်ကြပါတယ်။

​ပြောရမယ်ဆိုရင် ဆိုရှယ်မီဒီယာ​တွေဟာ လူတစ်ဦးနဲ့တစ်ဦးဆက်ဆံ​ရေးဖြစ်​စေ၊ သတင်းအချက်အလက်​တွေဖလှယ်ခြင်းဖြစ်​စေ၊ အ​တွေးမြင်အသစ်​တွေကိုမျှ​ဝေခြင်း​တွေကိုဖြစ်​စေ အလွန်လျှင်မြန်စွာတိုးတက်​စွာပြုလုပ်လာနိုင်ပြီး တိုးတက်မှုအား​ကောင်းတဲ့ လူမှုဆက်သွယ်​ရေးကိရိယာတစ်ခုဖြစ်ပါတယ်။

ဒါ​ပေမယ့်လဲ .. ​အ​ကောင်းနဲ့အဆိုး ဒွန်တွဲ​နေတတ်တဲ့​လောကကြီးမို့ ဆိုရှယ်မီဒီယာအသုံးပြုခြင်းဟာ အသုံးပြုသူ​တွေအတွက်​ကောင်းတာ​တွေရှိသလို ထိခိုက်​စေနိုင်တာ​လေး​တွေလဲရှိ​နေပါတယ်။

ပထမဆုံးတစ်ချက်အ​နေနဲ့ .. ဆိုရှယ်မီဒီယာပလက်​ဖောင်း​တွေ​ပေါ်မှာ တစ်​ရက်ကို ၉ နာရီနဲ့အထက် ဟဲဗီးအသုံးပြု​တွေမှာ ဒီပရက်ရှင်​လို့ခေါ်တဲ့ စိတ်ဓါတ်ကျဆင်းခြင်း​တွေ၊ အန်ဇိုင်ယတီလို့​ခေါ်တဲ့ စိုးရိမ်စိတ်​တွေ အဖြစ်များတာကို ​လေ့လာ​တွေ့ရှိရပါတယ်။

​နောက်တစ်ချက်က​တော့ ဆိုရှယ်မီဒီယာအသုံးများခြင်းဟာ အိပ်​ရေးပျက်ခြင်း၊ နှစ်ခြိုက်စွာ အိပ်မ​ပျော်နိုင်ခြင်းများကို ဖြစ်​စေနိုင်ပြီး ကျန်းမာ​ရေးကို ထိခိုက်​စေတတ်ပါတယ်။

ဆိုရှယ်မီဒီယာပလက်​ဖောင်း​တွေ​အ​ပေါ်မှာ ကိုယ်ကိုယ်တိုင်က စ'ပြီး သတင်းအမှား​တွေ အ​ကြောင်းအရာအမှား​တွေကို ဖြန့်​ဝေမိနိုင်သလို တစ်ခြားသူ​တွေတင်ထားတဲ့ မမှန်ကန်တဲ့အ​ကြောင်းအရာ​တွေကို ထပ်ဆင့်မျှ​​ဝေခြင်း​တွေပြုလုပ်မိနိုင်ပါတာမို့ သတိထားသင့်ပါတယ်။

​နောက်တစ်ခုက​တော့ .. ဆိုရှယ်မီဒီယာ​တွေဟာ အလွန်အကျွံသုံးတဲ့သူ​တွေရဲ့ စိတ်ထဲမှာ Inadequacy လို့​ခေါ်တဲ့ စိတ်အလိုမပြည့်မှု​တွေကိုလဲ ဖြစ်​ပေါ်​စေ​ကြောင်း ​​လေ့လာ​တွေ့ရှိရပါတယ်။ အွန်လိုင်း​ပေါ်မှာ မြင်ရတဲ့ ရုပ်ဝတ္ထုနဲ့အ​ကြောင်းအရာ​တွေဟာ တစ်ကယ့်အပြင်က လက်​တွေ့ဘဝ​တွေနဲ့ နှိုင်းယှဥ်လို့ မရ​ကြောင်းကို ​မေ့​ပျောက်သွား​စေတတ်ပြီး အားကျစိတ် အတုယူလိုစိတ်က​နေ မနာလိုစိတ်နဲ့ မိမိရဲ့ဖြစ်တည်မှုအ​ပေါ်မှာ အလိုမကျခြင်းတို့အထိ ပြောင်းလဲသွား​စေတတ်ပါတယ်။

ဟုတ်ကဲ့ပါ ဆောင်းပါး​​လေးကို အဆုံးထိဖတ်ရှု​ပေးတဲ့အတွက်လဲ​ကျေးဇူတင်ပါတယ်။ ပြီး​​တော့ … 

မိမိရဲ့ စိတ်အဆင်မ​ပြေမှု​တွေအတွက်ဖြစ်​စေ စိတ်ကျန်းမာ​ရေးအတွက် ဖြစ်​စေ ဖြည့်စွက်​အားဖြည့်​ဆေးဝါးများဝယ်ယူရန် သို့မဟုတ် အထူးကုဆရာဝန်​ကြီးများနှင့် အွန်လိုင်းမှတစ်ဆင့် ဆွေးနွေးတိုင်ပင်လိုပါကလဲ My-Medicine ကိုနှိပ်၍ ရက်ချိန်းရယူနိုင်သလို ဖုန်းနံပါတ် 5588 (သို့မဟုတ်) 09779995588 သို့ ဆက်သွယ်မေးမြန်းစုံစမ်းနိုင်ပါတယ်​နော်။