"Beyond Immunity: The Multi-Faceted Benefits of Zinc" 

ကျွန်မတို့ရဲ့နေ့စဉ်အစားအစာနဲ့နို့ထွက်ပစ္စည်းတွေမှာ ပါဝင်တဲ့ Zinc ရဲ့ ကောင်းကျိုးတွေကို သိပြီးကြပြီလား။Zinc ကို အဓိကအားဖြင့် အအေးမိချောင်းဆိုးပျောက် ငုံဆေးတွေ သာမက သွားကိုက်ရင်ထည့်တဲ့ cream တွေထဲပါ တွေ့ရလေ့ရှိတော့ သူ့ရဲ့ အစွမ်းအာနိသင် က ကိုယ်ခံစွမ်းအားကောင်းမွန်ရေး တခုထဲတင်မကဘူးဆိုတာ သတိထားမိကြမှာပါ။

Zinc ရဲ့ စွမ်းအားဟာ မွေးကင်းစကလေး၊ကိုယ်ဝန်ဆောင်မိခင်၊နို့တိုက်မိခင်နဲ့ နာတာရှည်ရောဂါသည်တွေအထိပါ အရေးပါတဲ့ အခန်းကဏ္ဍကနေ ပံ့ပိုးပေးနေပါတယ်။အစားအသောက်ကရတဲ့Zinc ပဲဖြစ်ဖြစ်၊ဖြည့်စွက်သောက်ရတဲ့ Zinc ပဲ ဖြစ်ဖြစ် ကျွန်မတို့ရဲ့ အရိုးနဲ့ ကြွက်သားတွေမှာ သိုလောင်ထားလေ့ရှိပါတယ်။ဒါပေမယ့် Zinc ရဲ့ ပမာဏ ကို သွေးတွင်းမှာ တိတိကျကျတိုင်းတာလို့မရပါဘူး။ဒါပေမယ့် အအေးမိတုပ်ကွေးဖြစ်ခြင်း၊နာတာရှည်ရောဂါရှိခြင်း၊အာဟာရမျှတအောင်မစားခြင်း နဲ့  အရက်စွဲနေတဲ့သူတွေမှာ Zinc level ဟာကျနေလေ့ရှိပါတယ်။အမျိုးသမီးတစ်ယောက်ဟာ အနည်းဆုံး တနေ့ကို Zinc 1.5 g လိုအပ်ပြီး အမျိုးသားတစ်ယောက်အတွက်တော့ 2.5 g လိုအပ်ပါတယ်။

နာမည်ကြီးတဲ့အတိုင်း Zinc ဟာ အဆုတ်ရောဂါနဲ့ အအေးမိတုပ်ကွေးတွေမှာ အဓိက ကာကွယ်ပေးပါတယ်။HIV/AIDS လို ခုခံအားကျဆင်းမှုကူးစက်ရောဂါမှာလည်း Zinc က ခုခံအားကိုတဖက်တလမ်းကမြှင့်တင်ပေးပြီး နောက်ဆက်တွဲရောဂါတွေ မဖြစ်အောင် ကာကွယ်ပေးပါတယ်။ဝမ်းခဏခဏလျှောတဲ့လူနာတွေမှာလည်း Zinc ဓာတ်ပေးခြင်းအားဖြင့် အူလမ်းကြောင်းကျန်းမာရေးကို ပြန်လည်ကောင်းမွန်စေပါတယ်။ဆီးချိုလူနာတွေမှာလည်း insulin ရဲ့အစွမ်းကို ကူညီထောက်ပံ့ပေးပြီး သကြားဓာတ်ကို ထိန်းသိမ်းပေးပါတယ်။

Zinc ရဲ့ ကောင်းကျိုးထဲကတချို့အချက်တွေကို ထပ်မံဖော်ပြရမယ်ဆိုရင်ဖြင့်

-အရွယ်မတိုင်ခင် အိုမင်းရင့်ရော်ခြင်းကို တားဆီးပေးပါတယ်။

-Zinc ဓာတ်ဟာ မျက်နှာအသားအရေနဲ့ ဆံကေသာကို လှပစေလို့ ဝက်ခြံနဲ့ ဒဏ်ရာတွေဆိုရင် အရင်လို ခဏခဏမဖြစ်တော့ဘူးပေါ့။

-အစားစားချင်စိတ်ကို ဖြစ်စေရုံသာမက အမြင်အာရုံကြည်လင်စေပြီး မှတ်ဉာဏ်ယိုယွင်းမှုကို လျှော့ချပေးတဲ့အတွက် လူကြီးတိုင်းအတွက် မရှိမဖြစ်ပါပဲ။

-ခန္ဓာကိုယ်ရဲ့ ဟော်မုန်း level တွေကိုထိန်းညှိပေးတဲ့အတွက် ရာသီလာရင် ကိုက်ခဲနာကျင်တာမျိုး၊စိတ်တိုလွယ်တာမျိုးတွေ မဖြစ်တော့ပါဘူး။

-အမျိုးသမီးရောဂါတွေဖြစ်တဲ့ သားအိမ်ကင်ဆာနဲ့ သားဥအိမ်ကင်ဆာ ဖြစ်နှုန်းကိုလည်း လျော့ကျစေပါတယ်။

-ကလေးလိုချင်တဲ့စုံတွဲတွေအတွက်လည်း မျိုးအောင်နိုင်မှုစွမ်းအား မြှင့်တင်ပေးနိုင်ပါတယ်။

-အမျိုးသား၊အမျိုးသမီးတို့ရဲ့ လိင်မှုပိုင်းဆိုင်ရာဟော်မုန်းတွေကို အားကောင်းစေတဲ့အတွက် တူတူနေတဲ့အခါမှာလည်း အဆင်ပြေချောမွေ့စေပါတယ်။

-သွေးကြောတွင်းမှ မကောင်းတဲ့အဆီဓာတ်ကို လျော့နည်းစေနိုင်လို့ နှလုံးကျန်းမာရေးနဲ့ သွေးတိုးဖြစ်ခြင်းမှလည်း ကာကွယ်ပေးနိုင်ပြန်ပါတယ်။

-အသည်းရဲ့ ရောင်ရမ်းနှုန်းကို လျှော့ချပေးတဲ့အတွက် အသည်း​ပျက်စီးတာကိုလည်း ကြိုတင်ကာကွယ်ပြီးသားပေါ့။

-အားကစားသမားတွေနဲ့ gym ဆော့တဲ့သူတွေမှာလည်း ကြွက်သားထုအတွက် အဓိကလိုအပ်တဲ့ သက်စောင့်ဓာတ်တခုဖြစ်ပါတယ်။

ဒီလောက်ကောင်းမွန်တဲ့အစွမ်းတွေရှိတဲ့ Zinc ကို အနီရောင်ရှိတဲ့ ဝက်သား၊အမဲသား၊ကြက်ဆင်သား အပြင် ပင်လယ်စာတွေမှာလည်း သဘာဝအတိုင်းပါပါတယ်။နို့နဲ့နို့ထွက်ပစ္စည်း၊ပဲအမျိုးမျိုးနဲ့ ကြက်ဥမှာလည်း Zinc က ပါနေတုန်းပါပဲ။ဒါပေမယ့် အစားဂျီးများတဲ့သူတွေ၊နာတာရှည်ရောဂါသည်တွေနဲ့ သက်ကြီးရွယ်အိုတွေမှာဆိုရင်တော့ Zinc ကို ဖြည့်စွက်စာ နဲ့ အားဆေးတွေကနေ ထည့်သွင်းပေးဖို့ လိုအပ်ပါတယ်ရှင်။ကျန်းမာသန်စွမ်းလှပဖို့ သဘာဝရဲ့ သက်စောင့်ဓာတ် Zincကို ရွေးချယ်ကြပါစို့။

ဆောင်းပါးလေးကိုအဆုံးထိဖတ်ရှုပေးလို့ကျေးဇူးတင်ပါတယ်။