မင်္ဂလာပါ စာဖတ်ပရိတ်သတ်တို့ရေ…
ပျော်ရွှင်ဖွယ်ရာ စိတ်ရောကိုယ်ပါ ကျန်းမာသော နှစ်သစ်တစ်နှစ်ကို ပိုင်ဆိုင်နိုင်ကြပါစေလို့ My-Medicine ကနေ အရင်ဦးဆုံး ဆုတောင်းပေးပါတယ်နော်။
နှစ်သစ်တစ်နှစ် ကူးပြောင်းပြီဆိုရင် .. ဒီနှစ်တော့ ငါဘာတွေလုပ်မယ် ဘယ်အရာတွေဖြစ်လာရမယ် ဘယ်လိုတွေ တိုးတက်ပြောင်းလဲအောင် ကြံဆောင်မယ် စသည်ဖြင့် ပလန်တွေဆွဲ list တွေထုတ်တက်ကြပါတယ်။ New Year Resolutions လို့ အများအားဖြင့် ခေါ်ကြပါတယ်။
ဒီနေ့တော့ .. အဲ့ဒီလိုမျိုး ကိုယ်အမြဲတမ်း ပလန်ထားပေမယ့် တစ်ကယ်လုပ်ဖြစ်ဖို့ အမြဲ ကျန်ကျန်နေတတ်တာလေးတစ်ခုဖြစ်တဲ့ ဒီနှစ်တော့ ငါ ဝိတ်ချပြီဆိုတဲ့ တားဂတ်လေးကို တစ်ကယ် အကောင်အထည်ဖော်ဖြစ်ဖို့ ဘာတွေလုပ်သင့်တယ်ဆိုတာလေးတွေကို ရေးသားဖော်ပြပေးသွားပါမယ်နော်။
ကျနော်တို့တွေဟာ ကိုယ့်ရဲ့ အသက်အရွယ်နဲ့အရပ်အပေါ်မူတည်ပြီး ရှိသင့်တဲ့ ကိုယ်အလေးချိန် BMI (Body Mass Index) ကို သတိပြုကာ ရှိသင့်တဲ့ ကိုယ်အလေးချိန်မှာ ရှိနေဖို့ ထိန်းညှိသင့်ပါတယ်။ ဒါဟာ ကိုယ့်အတွက် မလိုလားအပ်တဲ့ ကိုယ်အလေးချိန်ဆိုင်ရာ ကျန်းမာရေးပြဿနာတွေကို ကြိုတင်ကာကွယ်ပြီးသားလဲဖြစ်ပါတယ်။
တစ်ကယ်လို့ ကိုယ့်ရဲ့ကိုယ်အလေးချိန်ဟာ BMI အရ ဝ'တဲ့ဖက်ကိုရောက်နေပြီ .. ကိုယ်တိုင်ကလဲ ဒီနှစ်တော့ ငါတစ်ကယ်ဝိတ်ချတော့မယ်လို့ တွေးထားပြီဆိုရင်တော့
ဒီအချက်လေးတွေကို သေသေချာချာလေး လိုက်နာဆောင်ရွက်နိုင်ပါတယ်နော်
တိကျတဲ့ကိန်းဂဏန်းတစ်ခုသက်မှတ်ပါ။ ငါဝိတ်ချမယ်ဆိုတာထက် ငါ ဘယ်နှပေါင်ကျအောင်ချမယ်။ ဘယ်နှလအတွင်းချမယ် စသည်ဖြင့် တိတိကျကျ သတ်မှတ်သင့်ပါတယ်။
ကိုယ့်အတွက် အသင့်တော်ဆုံးဝိတ်တစ်ခုကို သက်မှတ်ပါ။
ကိုယ့်ကိုယ်ကိုယ် အမြဲသတိပေးနေပါ။ ဖုန်းစခရင်မှာ ဒါမှဟုတ် အခန်းနံရံမှာ ဒါမှမဟုတ် ကိုယ်နေ့တိုင်းကြည့်ဖြစ်တဲ့ ကြည့်မှန်ဘေးမှာ စာရေးပြီးကပ်ထားပါ။
စိတ်ကူးရမှ ပြင်းပြင်းထန်ထန် လေ့ကျင့်ခန်းထလုပ်တာမျိုးမဟုတ်ဘဲ တစ်ရက်ချင်းစီ ပုံမှန်အချိန်လေးပေးပြီး စ'လုပ်ပါ။
ကိုယ့်ကိုယ်ကို ယုံကြည်ပါ။
ဒီကိစ္စဟာ တစ်ရက် တစ်မနက်နဲ့ရနိုင်တာမျိုးမဟုတ်ဘဲ နေ့စဥ်ပြုလုပ်သွားရမယ့် အမူအကျင့်ဆိုတာကိုလဲ အမြဲသတိရပါ။
ကိုယ်ဘယ်က စ'ရမယ် မသေချာရင် နားလည်တတ်ကျွမ်းတဲ့ အာဟာရပညာရှင်၊ လေ့ကျင့်ရေး ထရိန်နာတို့ဆီက အကူအညီရယူဖို့ ကြိုးစားပါ။
၁၀ ပေါင်ကျရမယ်လို့သတ်မှတ်ထားပေမယ့် ၂ပေါင်ကျတဲ့အခါဖြစ်စေ ၅ပေါင်ကျသွားတဲ့အခါဖြစ်စေ မိမိကိုယ်ကို ဆုချပါ အသိအမှတ်ပြုပါ။
နေ့စဥ် ကိုယ်အလေးချိန်တိုင်းပါ။
ကိုယ့်ရဲ့စိတ်အားထက်သန်မှု (မိုတီဗေးရှင်း) ကို အမြဲသစ်လွင်နေအောင် နေပါ။
ငါဝိတ်ချမယ်ဆိုတာကို ကိုယ့်ကိုယ်ကို ပါးစပ်ကထုတ်ပြောပါ။
စ'တဲ့နေ့ကတည်းက ကိုယ်အလေးချိန်မှတ်တမ်း ထားထားပါ။
ဖြည့်စွက် supplement များကို လိုအပ်သလို အသုံးပြုခြင်း (ဥပမာ - Detox ပြုလုပ်ခြင်း)
ဟုတ်ကဲ့ပါဗျ .. ဆောင်းပါးလေးကို အဆုံးထိဖတ်ရှုပေးတဲ့အတွက်လဲကျေးဇူတင်ပါတယ်။ နှစ်သစ်မှာ စိတ်သစ်ကိုယ်သစ်နဲ့ ကိုယ်ဖြစ်ချင်တဲ့စိတ်ကူးတွေကို လက်တွေ့အကောင်အထည်ဖော်နိုင်ကြပါစေနော်။
ပြီးတော့ …
ကိုယ်အလေးချိန်နဲ့ အာဟာရဆိုင်ရာတို့အတွက် ကျွမ်းကျင်သော အထူးကုဆရာဝန်ကြီးများနှင့် အွန်လိုင်းမှတစ်ဆင့် ဆွေးနွေးတိုင်ပင်လိုပါကလဲ My-Medicine ကိုနှိပ်၍ ရက်ချိန်းရယူနိုင်သလို ဖုန်းနံပါတ် 5588 (သို့မဟုတ်) 09779995588 သို့ ဆက်သွယ်မေးမြန်းစုံစမ်းနိုင်ပါတယ်နော်။