မင်္ဂလာပါ စာဖတ်ပရိတ်သတ်တို့ရေ…

ဒီ​နေ့​တော့ .. ရင်သားဆီလီကွန်ထည့်ပြီး ​လေယာဥ်စီးရတဲ့အခါ ဘာ​တွေပြင်ဆင်ထားသင့်သလဲ .. ပြီး​တော့ ဘာ​တွေ အမှတ်မှား​နေတာ​တွေရှိတတ်သလဲ ဆိုတာ​လေးကို မျှ​ဝေ​ပေးသွားပါမယ်​​နော်။ 



ရင်သားဆီလီကွန်ထည့်ခြင်းဟာ ၁၉၇၀ ခုနှစ်ကတည်းကရှိခဲ့တာဖြစ်ပြီး ၁၉၉၀ နှစ်ဦးပိုင်း​လောက်ကစပြီး ကမ္ဘာ့​နေရာ အနှံ့အပြားမှာ တွင်တွင်ကျယ်ကျယ် ပြုလုပ်လာကြတဲ့ ပလတ်စတစ်ဆာဂျရီနည်းပညာတစ်ခု ဖြစ်ပါတယ်။ အခုလတ်တ​လော ခုနှစ်​တွေမှာဆိုရင်​တော့ ရင်သားတစ်ခုထဲသာမဟုတ်​တော့ဘဲ အခြား​ခန္ဓာကိုယ် အစိတ်အပိုင်း​တွေမှာလဲ ဆီလီကွန်ကိုထည့်သွင်းလာကြပြီဖြစ်ပါတယ်။ ဆီလီကွန်ဂျယ်လ်​တွေရဲ့ ထုတ်လုပ်မှု တိုးတက်​ပြောင်းလဲလာတာဟာဆိုရင်လဲ အခုဆိုရင် ပဥ္စမ​​မြောက်မျိုးဆက်သစ် (5th Generation) အထိ​တောင်​ရောက်ရှိ​နေပြီဖြစ်ပါတယ်။

ဆီလီကွန်ဟာ ခန္ဓာကိုယ်ထဲမှာ ဆယ်စုနှစ်​တွေချီတဲ့အထိ အချို့ဆို တစ်သက်လုံး ပြန်ထုတ်စရာ၊ လဲစရာ မလိုတဲ့ အဆင့်(၃) ​ဆေးဘက်ဆိုင်ရာထည့်သွင်းပစ္စည်း (Class 3 Medical Device) ဖြစ်ပါတယ်။ အများက ​ပြောကြတဲ့အခါမှာ ဆီလီကွန်ထည့်တယ်လို့ အ​ပြောများ​ပေမယ့် တစ်ကယ်​တော့ ထည့်သွင်းလို့ရတဲ့ ပစ္စည်းက (၃)မျိုးရှိတာဖြစ်ပါတယ်။ အဲ့ဒီ (၃) မျိုးက​တော့

ဆလိုင်း​ဖျော်ရည် (Saline solution)
ဆီလီကွန် (Silicone) နဲ့
ပိုလီပရိုပိုင်လင်းကြိုးမျှင်များ (Polypropylene String) [ထပ်မံထုတ်လုပ်ခြင်းမရှိ​တော့] တို့ဖြစ်ပါတယ်

ဟုတ်ကဲ့ပါ ​​ခေါင်းစဥ်ကိုပြန်​ကောက်ရမယ်ဆိုရင်​တော့ ရင်သား သို့မဟုတ် တင်ပါး ဆီလီကွန်ထည့်သွင်းထားသူ​တွေ ​လေယာဥ်ပျံစီးရမယ်ဆိုရင် ဘာ​တွေပြင်ဆင်ထားဖို့လိုသလဲဆိုတာ​လေးကို ဆက်​ပြောပါ့မယ်။



ဆီလီကွန်ဂျယ်လ် အမျိုးအစားကို ထည့်သွင်းထားသူ​​တွေဆိုရင်​တော့ ခွဲစိတ်ပြုပြင်​ပေးတဲ့ ဆရာဝန်ရဲ့ ညွှန်ကြားချက်အတိုင်း ချုပ်ရိုးရက်ပြည့်ပြီ အနာ​ကောင်းမွန်စွာကျက်ပြီ ခွဲစိတ်ပြုပြင်ပြီးတဲ့ ​နေ့ကစလို့ (၁၄) ရက်အတွင်း ​နောက်ဆက်တွဲဆိုးကျိုး ဓါတ်မတည့်တာမျိုးလဲ မရှိခဲ့ရင်​တော့ အထူးတလည် ပြင်ဆင်ထားစရာ ဘာမှမလိုပါဘူး။

အမြင့်​ပေ ​သောင်းဂဏန်း​ကျော်​တွေမှာ အချိန်ကြာမြင့်စွာပျံသန်းသွားလာရတဲ့အခါ ​လေယာဥ်အတွင်းမှာ ​လေထုဖိအားမြင့်တက်လာတာမျိုးရှိ​ပေမယ့် ဆီလီကွန်ဂျယ်လ်က ​ကောင်းစွာခံနိုင်ရည်ရှိပါတယ်။ ​ဆီလီကွန်ထည့်ပြီး ​လေယာဥ်​တွေအကြာကြီးစီးနင်းလိုက်ပါရရင် ​ပေါက်ထွက်တတ်တယ်၊ ကွဲတတ်တယ်ဆိုတာ​တွေက ယုံတမ်းစကား​တွေသာ ဖြစ်ပါတယ်​နော်။ နိုင်ငံတကာ စစ်တမ်းတစ်ချို့အရဆိုရင် ရင်သားဆီလီကွန်ထည့်ထားတဲ့ အများစုက ​​လေယာဥ်အမြဲလိုစီး​နေရတဲ့ ​လေယာဥ်မယ် (Flight attendants) ​တွေဖြစ်တယ်လို့ဆိုထားပါတယ်။
(ref : healthshots.com)

ဆီလီကွန်မဟုတ်တဲ့ ၁၉၉၀ နှစ်ဦးပိုင်း​တွေတုန်းက အသုံးများခဲ့တဲ့ ဆလိုင်း​ဖျော်ရည်အထုပ်​တွေဆိုရင်​တော့ အမြင့်​ပေနဲ့ဖိအား​တွေ​ကြောင့် ရင်သားအတွင်းမှာပဲ ယိုစိမ့်တာမျိုး ​ပေါက်တာမျိုး​လေး​တွေ ရှိ​ကောင်းရှိနိုင်တယ်လို့ ကျွမ်းကျင်​​သော သု​တေသနပညာရှင်တစ်ချို့က ယူဆခဲ့ကြဖူးပါတယ်။ ဒါ​ပေမယ့် သက်​သေပြစရာ ဘယ်သူတစ်ဦးတစ်​ယောက်မှ သမိုင်းမှာ မရှိခဲ့ပါဘူး။

ဆလိုင်း​ဖျော်ရည်ထုပ်ရဲ့ ဖိအားခံနိုင်ရည်ဟာ ၁၇၅ ​ပေါင်အထိဖြစ်ပြီး ဆီလီကွန်ဂျယ်လ်​တွေဟာဆိုရင် ​ပေါင် ၃၀၀ အထိ ဖိအားကို ​​ကောင်း​ကောင်းခံနိုင်တာဖြစ်ပါတယ်။



ဟုတ်ကဲ့ပါ .. ​ဆောင်းပါး​​လေးကို အဆုံးထိဖတ်ရှု​ပေးတဲ့အတွက်လဲ​ကျေးဇူတင်ပါတယ်။ ပြီး​​တော့ … 

ဆီလီကွန်အပါအဝင် အခြား​သော အလှအပနဲ့ ကျန်းမာ​ရေးဆိုင်ရာ ခွဲစိတ်ကုသမှု ​ဆေးခန်းပြသမှုများအတွက် အထူးကုဆရာဝန်​ကြီးများနှင့် အွန်လိုင်းမှတစ်ဆင့် ဆွေးနွေးတိုင်ပင်လိုပါကလဲ My-Medicine ကိုနှိပ်၍ ရက်ချိန်းရယူနိုင်သလို ဖုန်းနံပါတ် 5588 (သို့မဟုတ်) 09779995588 သို့ ဆက်သွယ်မေးမြန်းစုံစမ်းနိုင်ပါတယ်​နော်။